AUF D'R SCHWÄB'SCHA EISABAHN 
Southern German folk song, first written down by a 
student's fraternity in Tübingen/Württemberg/Germany in 1853
the famous "Fischer-Chöre" and many more


Auf d'r schwäb'scha Eisebahna gibt es viele Haltstationa:
Schtuagart, Ulm ond Biberach, Meckabeura, Durlesbach.
Trulla trulla trullala, trulla trulla trullala.
Schtuagart, Ulm ond Biberach, Meckabeura, Durlesbach.

Auf d'r schwäb'scha Eisebahna wollt amol a Bäuerle fahra
Goht an Schalter, lupft da Hut. "A Billetle send so gut!"
Trulla trulla trullala, trulla trulla trullala.
Goht an Schalter, lupft da Hut. "A Billetle send so gut!"

Einen Bock hat er gekaufet ond dass der ihm net verlaufet
Bendat ihn d'r gute Mo henda an d'r Waga no
Trulla trulla trullala, trulla trulla trullala.
Bendat ihn d'r gute Mo henda an d'r Waga no

"Böckle tu no woidle sprenga, z'fressa werd' i dir scho brenga"
Setzt sich zu sei'm Weible no, zündt' sei Tabakspfeifle o
Trulla trulla trullala, trulla trulla trullala
Setzt sich zu sei'm Weible no, zündt' sei Tabakspfeifle o

Als der Zug no wieder staut, der Bauer noch sei'm Böckle schaut
Findet er nur Kopf ond Soil an dem hendra Wagadoil
Trulla trulla trullala, trulla trulla trullala
Findet er nur Kopf ond Soil an dem hendra Wagadoil

'S packt den Bau'r an Baurazora, nemmt den Goiskopf bei de Hora
Schmeißt en was 'r schmeißa ko, em Kondukteur an Ranza no
Trulla trulla trullala, trulla trulla trullala
Schmeißt en was 'r schmeißa ko, em Kondukteur an Ranza no

Des isch's Lied von sellem Baura, der sein Goisbock hat verlaura
Goisbock ond sei traurig's End, Hemmel Schtuargart Sakrament
Trulla trulla trullala, trulla trulla trullala
Goisbock ond sei traurig's End, Hemmel Schtuargart Sakrament

So jetzt wär des Liedle g'songa, hot's Euch recht en d'Aura klonga
Stoßat mit de Gläser o, auf's Wohl der schwäb'scha Eisebahn
Trulla trulla trullala, trulla trulla trullala
Stoßat mit de Gläser o, auf's Wohl der schwäb'scha Eisebahn




(Contributed by Robert Wagenblast - February 2010)